కోడి పెంట లోడుతో ట్రాక్టర్.. పోలీసులు ముక్కు మూసుకుని మరీ చెక్ చేస్తే.. షాక్ అవుతారు

                      

  ( feb13 west godavari )  చెక్ పోస్ట్ వద్ద అంతా సైలెంట్‌గా ఉంది. ఇంతలో కోడి పెంట లోడుతో ఓ ట్రాక్టర్ వచ్చింది. అయితే అప్పటికే అందించిన సమాచారం మేరకు పోలీసులు ఆ ట్రాక్టర్‌ను ఆపారు. సిబ్బంది ముక్కు మూసుకుని అతి కష్టం మీద కోడి పెంటను తొలగించి చూస్తే.. పోలీసులకు మైండ్ బ్లాక్ అయింది. ఒకటి కాదు, రెండు కాదు.. ఏకంగా దాదాపు వెయ్యి లిక్కర్ బాటిల్స్ బయటపడ్డాయి. ఇది చూసి అంతా నోరెళ్లబెట్టారు.

పైన ఉన్న కోడి పెంటను తొలగించి చూడగా, లోపలి భాగంలో భారీగా తెలంగాణా మద్యం బాటిల్స్ తరలిస్తున్నట్లు గుర్తించారు. ఈ సందర్భంగా పోలిస్ అధికారులు మాట్లాడుతూ.. ఆ రవాణాలో 200x 48=9600, 180 ఎం.ఎల్ చిన్న మద్యం సీసాలు (200 లిక్కర్ కేసులు), 96 ఫుల్ బాటిల్స్ స్వాధీనం చేసుకున్నట్లు తెలిపారు. గుట్టుచప్పుడు కాకుండా కోళ్ల పెంట రవాణా చేస్తున్నట్లుగా అధికారులు నమ్మిస్తూ కింద భాగంలో పెద్ద ఎత్తున తెలంగాణ నుంచి అక్రమంగా మద్యాన్ని సరఫరా చేస్తున్నట్లు పోలీసులు గుర్తించారు. దీనిపై కేసు నమోదు చేసుకుని విచారణ చేస్తున్నామన్నారు.